27 de jun. de 2012

Escaramuxo, vitamina C extra


A infusión de escaramuxo fortalece a saúde e prevén as infeccións respiratorias, e mais é un remedio tradicional contra a diarrea. Este pequeno fruto ten as vitaminas A, E, B, K, magnesio e 10 veces máis vitamina C que o limón.

Como preparar a infusión? Coller auga da fonte (evitar aguas embotelladas porque poden conter alcol isopropílico, canceríxeno segundo a doutora Hulda Clark), e poñer unhas 3-5 culleradas de escaramuxo seco nun litro de auga. Para ter mellor resultado debemos romper os frutos, que podemos machacar cun mazo tras metelos nunha bolsiña. Pomos dentro a agua e deixamos repousar toda a noite. Pola mañá coamos todo (coar ben, porque os escaramuxos teñen moitos peliños). 

Para tomar a infusión, quentalo só ata estar morna, porque a calor destrúe a vitamina C. Tomar así ou engadirlle mel.